நிமிர்ந்து பார்க்கவும்
நிற்கவும்
நித்திரைக்கும் கூட
நிமிடங்களில்
பற்றாக்குறை...
இன்று...
சந்தோசம், குதூகலம்
சம்பாத்தியற்குள்
குவிந்து கிடப்பதாய்
குறுங்கணக்கு
அன்பின் பரிமாறல்கள்
ஆழப்புதைக்கப்பட்டு
அதன்மேல்
அடுக்கப்படுகிறது
கரன்சிக் கட்டுகள்...
இந்த ...
தேடலின் மு்டிவுகளில்...
அன்யோன்யங்கள்
விடைபெற்று
விவாகரத்துக்களை நோக்கியே
விரைவாய்ப் பயணிக்கிறது
இன்று...
திருமணங்களை விட
மறுமணங்களே
அதிகமாய்
அகப்படுகிறது
கண்களுக்கு...
எல்லாம்
அவசரத்தில்...
சுகப்பிரசவத்தைச்
சுருக்கி
ஆயுதங்களின்
அறுவைச் சிகிச்சையில்
அவசரப் பயணம்
உலகிற்கு...
பிறந்ததே
அவசரத்தில்
பிறகென்ன...
விழிகள் சுருங்கி
விரிவதில் கூட
வீணாகிப்போகிறது
வினாடிகள்...
இப்படி...
இயங்கும்
மனித இயந்தி்ரங்களின்
அதிவேகத்தை
அவசரமாய்
தாக்குகிறது
அதிநவீன நோய்கள்
அதுவும்
அவசரத்தில்...
ஆம்...
எல்லாம்
அவசரத்தில்...
பூமிப் பந்திற்குள்
புதைவற்கும்...
கேட்ட செய்தி : ஒரே ஒரு முறை
கங்கையில் ஆயிரம் முறை ஸ்நானம் செய்தலும்
ஆலயத்தை ஆயிரம் முறை வலம் வருதலும்
தாயை ஒரே ஒரு முறை வணங்குவதற்கு நிகராகாது
இதற்கு குழுசேர்:
இடுகைகள் (Atom)